Бренддин тарыхы

1863-ж. Жан багуу үчүн окуучуларына калем сатып жүргөн Джордж Сэффорд Паркер күтүлбөгөн нерсе — акпаган калем жаратуу идеясына алданат!

1888-ж. Тармактагы эки негизги көйгөй калемдердин кыска кызмат мөөнөтү жана сыянын агышы болгон кезде Джордж Сэффорд Паркер жазуунун жүзүн өзгөртүүнү чечет. Негизги жаңылык: Паркер Lucky Curve — капиллярдык тартылуунун натыйжасында сыя кайра резервуарга тартылып, агып кетүү мүмкүнчүлүгүн азайткан сыя берүү системасына патент алган.

1889-ж. Анын тилеги орундалганга окшойт: Джордж Сэффорд Паркер 1889-жылы өзүнүн биринчи перолуу калемине патент алат.

1898-ж. Жылма капкакка патент алынган.

1905-ж. Чоң өлчөмдөгү перолуу калемдерге керектөөчүлөрдүн суроо-талабы өсүп жаткан шартта Duofold моделинин мурункусу болгон Black Giant калеми өндүрүшкө киргизилген.

1919-ж. Биринчи дүйнөлүк согуш башталганга чейин Джордж Сэффорд Паркер «өзүн өзү жасаган», бизнести жагымдуу нерселер менен айкалыштырган адамдын классикалык үлгүсү болгон. Эми бизнес менен үй-бүлөнү айкалыштыруу убагы келди. Паркердин уулу Кеннет 1914-жылы агасы Расселдин артынан компанияга кошулган.

1921-ж. Parker компаниясы Duofild перолуу калемин чыгарат. «Кызыл гигант» (Big Red) деген ат менен белгилүү бул модель токтоосуз өз убагынын эң алдыңкы калеми деп таанылып, ошол эле учурда эң абройлуу жана кымбат калемге айланды. Бүгүн да көңүл бурдурган стилдүү образ.

1924-ж. Parker компаниясы Атлантика океанын кесип өтүп, Лондондо дистрибьютордук бизнес уюштурат. Улуу Британиядагы кеңседен Parker калемдери бүт континентке таралат. Мыкты натыйжа!

1939-ж. Жабык перо жана кагазга тийгенде эле кургап калган жаңы сыя менен жабдылган Parker 51 моделинин жаралышы маанилүү жетишкендик болду. Балким, кылымдын эң мыкты калеми.

1954-ж. Шарик калемдер кырккынчы жылдардын ортосунда эле пайда болгонуна карабастан, Parker компаниясы өз коллекциясын Parker Jotter — көлөмдүү стержени бар жогорку сапаттагы шарик калем менен толуктоо үчүн ылайыктуу учурду күттү. Чындап эле күтүүгө арзыйт эле.

1956-ж. Прогрессти токтотуу мүмкүн эмес! Parker 51 модели жаралгандан 17 жыл өткөндөн кийин Parker компаниясынын конструкторлору өздөрүнүн акыркы жетишкендигин — капиллярдык тартылуунун эсебинен флакондон сыяны өзү тарткан механикалык толтуруу системасы бар биринчи перолуу калем Parker 61ди көрсөтүштү. Parker компаниясынын тарыхы ар дайым сыя тармагындагы инновациялар менен ажырагыс байланышта болгон. Эми Parker компаниясы 45-калибрдеги «Кольт» тапанчасынын урматына аталган картриджи бар биринчи калемди сунуштайт. Батышты жеңген курал сыяктуу эле, калемди жөн гана октоп, колдоно бересиз.

1982-ж. Жаңы чыгармалардын бүтүндөй толкунун алып келген көрүнүктүү ийгиликтердин жылы. Parker Vector роллер калеми баарынын суктануусун жараткан жаңы образды көрсөттү, андан кийин Vector перолуу калеми, шарик калеми жана карандашы чыккан.

1992-ж. Duofold коллекциясы дайыма жаңыланып туруу жөндөмү менен таң калтырууну улантууда. Ансыз да таасирдүү катар Pearl жана Black дизайн варианттары менен толукталды.

1992-ж. Sonnet модели — чыныгы бестселлер. Өткөндөгү атактуу моделдерден шыктанган бул калем эң жаңы, алдыңкы технологияны өзүнө камтыйт.

2004-ж. Parker үй-бүлөсүнө толуктоо: заманбап технологияларды жана жабык перо концепциясын айкалыштырган Parker 100 модели.

2009-ж. Parker компаниясы XXI кылымда стилдин жаңы стандартын жаратып, «дресс-код» белгилейт: назиктик жана асыл материалдар — анын ажырагыс элементтери.

2010-ж. Parker компаниясы өтө жылмакай агымды жана өзгөчө тез кургоону камсыз кылган укмуштуу гибрид сыяны чыгарып, ийгилигин дагы кайталайт. Кыскача айтканда, Parker'дин шарик калемдери үчүн тарыхтагы эң улуу ойлоп табуусу деп атаса боло турган Quinkflow® технологиясын ачып көрүңүз.

2011-ж. Калем өндүрүү тармагында инновациялардын жаңы доору башталды. Parker Ingenuity модели жазуу дүйнөсүн уникалдуу, революциялык Parker 5TH™ технологиясы менен таң калтырды.

2013-ж. Туулган күнүң менен! Түбөлүк жаш Parker компаниясына 125 жыл толот, бирок ал дагы эле биринчи күнүндөй жаңы идеяларга толо.